First batch sang 1.04 milyones ka bariles sang diesel ginalauman nga maga-abot subong nga semana

Gin-anunsyo ni Executive Secretary Ralph Recto nga 1.04 milyones ka bariles sang diesel ang magapadulong sa pungsod.

Suno kay Recto, ang una nga batch ang magaabot sini nga semana.

Dugang pa niya, ini ang ginpangunahan ni Energy Secretary Sharon Garin, agud masiguro nga makuha sang gobyerno ang milyones nga bariles sang diesel.

Magluwas sini, ang Pilipinas ang magabaton sang tayuyon nga suplay sang coal naggikan sa Indonesia.

Madumduman nga ginkumpirmar ni Presidente Ferdinand Marcos Jr., nga may bastante pa nga supply sang krudo ang Pilipinas, kag magalawig pa ini tubtob sa Hunyo 30 sini nga tuig.

Kapin sa 700,000 ka bariles sang Russian crude oil ang nag-abot man sa pungsod sang Marso 23, nga gin-order sang Petron.