Naka-score sang knock-out victory si John Riel Casimero batok kay Saul Sanchez sa una nga round pa lamang sa hampang sini sa Japan kahapon.
Antes pa man ang iya nga kadalag-an una na nga nagpangatubang sang problema ang boksingero sa iya nga kabug-aton.
Duha ka beses nga nagsobra sa limit ang kabug-aton ni Casimero antes pa man ini naghampang sa match batok kay Sanchez.
Bangud man sa rules sang Japan Boxing Commission ginpasugtan sa ikatatlo nga kahigayunan si Casimero nga may yara sang ulihi nga weigh-in antes naghampang kun sa diin ini ang nakasulod na sa limit ang kabug-aton kag nahatagan na sang clearance nga makatapak sa boxing ring ang Filipino boxer.
Wala naman nag-uyang sang panahon ang boxer kag gintapos gilayon ang paghampang nila sang kasumpong sini sa una nga round pa lamang.
