Nagtingob sa atubang sang Bacolod City Government Center ang opisyales sang gobyerno, katapo sang kapulisan kag iban pa sa pagpasaka sang hayahay sang Pilipinas sa pag-obserbar sang National Flag Day subong nga adlaw.
Sa mensahe ni coucilor Em Ang, chairperson sang Committee on History, Culture, and Arts sa Sangguniang Panlungsod, subong nga adlaw ginaselebrar ang Natonal Flag day tubtob sa Hunyo 12 ukon Independence day.
Suno diri, madamo na sang naagyan ang hayahay sang Pilipinas kag sa pagdisplay sini ginahatagan sang pasidungog ang sakripisyo sang mga Pilipino nga nakigbato para sa kahilwayan sang Pilipinas.
Suno pa diri, ang hayahay ang refrlection sa importansya sang unity kag respeto sang kada isa. Samtang, may yara man sang ginpatigayon nga flag raising ceremony sa Rizal Elementary School- Bacolod City, kaina sang aga.
Ginpatpat ni coucilor Atty Renecito Novero, kun ano ang kahulugan sang ‘FLAG’ para sa iya, ang ‘F’ nagakahulugan nga Fidelity nga nagapakita sang pagkamaunongon sang tawo, ang ‘L’ nga nagakahulugan sang Lives lost, ukon ang mga kabuhi nga nadula sa pagpakigbato para sa kahilwayan sang Pilipinas, ang ‘A’ ukon ang aspiration nga amo ang handum nga nagduso sa mga Pilipino nga mangisog kga magbato kag ang ‘G’ ukon glory para sa kadalag-an sang kahilwayan sang Pilipino.
