Na-delay sang masobra isa ka oras ang Southwest Airlines flght gikan sa Oakland California padulong San Diego bangud sa isa ka robot nga pasahero.
Ginkumpirmar ni Elite Event Robotics Spokesperson Eily Ben-Abraham nga nagsakay siya kaupod ang kaupod ang 4-foot-tall, 70-pound robot nga ginhingadlan “Bebop” sa eroplano sa Oakland San Francisco Bay Airport sang Huwebes agud magbiyahe padulong sa San Diego.
Suno kay Southwest Airlines spokesperson Lynn Lunsford, nagbakal sang ticket si Ben-Abraham para kay Bebop apang bangud sa pagpungko sang robot sa aisle seat nga nagabayolar sa airline’s policy bangud sa bug-at nga carry-on items.
Ginsaylo si Bebop sa window seat apang may isa pa ka problema nga nakita ang airline staff.
Pahayag ni Ben-Abraham, luyag sang staff nga usisaon kun ano nga klase sang baterya ang gamit sini kag kun ano ang sulod sini.
Kag natukiban nga ang lithium battery ni Bebop ang mas dako sangsa sa maximum nga gina-allow sa polisa sang Southwest Airlines gani nakalupad lamang ang eroplano matapos ginkuha kag ginkumpiskar ang battery sini.
Bangud sini, nadelay ang eroplano sang isa ka oras kag duha ka minuto.
Suno sa Elite Event Robotics na nagaparenta sang ila mga robots para sa nagkalain-lain nga events, magapadayon si Bebop sa pagbiyahe sa mga commercial flights apang indi na pagadal-on ang mga battery sini kun yara sa eroplano.
Naka-abot naman si Bebop sa iya natalana nga pagtambong sang Dominggo sa Digestive Disease Week sa McCormick Place sa Chicago.
Nagpadala ang kumpanya sang mga baterya sa Chicago paagi sa overnight shipping agud magamit ang robot sa nasambit nga event.
