Temporaryo nga ginpa-untat sang Senado ang hearing sang Blue Ribbon Committee angot sa anomalous flood control projects.
Ini ang ginkumpirmar mi Senate Blue Ribbon Committee Chair Senator Panfilo “Ping” Lacson, natalana kuntani ini nga patigayunon sa Miyerkules, Oktubre 8, 2025 santo sa hingyo ni Sen. JV Ejercito nga isumon ang former regional director sang Department of Public Works and Highways (DPWH) sa Region IV-B.
Dugang pa ni Lacson nga pila sa mga rason kon ngaa indi sila makapadayon sang hearing amo ang indi pa available ang ‘tell all” affidavits sang mag-asawa nga Discaya kag wala pa natapos ang imbestigasyon sang office of the executive judge sang Manila RTC sa notarized document sang duha ka mga abogado.
Bangud sini, ginpakamaayo ni Sen. Lacson nga ipaiway ang hearing kag gilayon nga ginpahibalo si Senate President Tito Sotto angot sa kanselasyon.
Madumduman nga ulihi nga ginpatigayon ang hearing sang komitiba sang tinalikdan nga Septyembre 23,2025.
