Nagpaathag ang provincial government sang Negros Occidental kun ngaa gindemolish ang mga flower garden sa Panaad Park and Stadium.
Sa interview sang Bombo Radyo Bacolod kay Provincial Administrator Atty. Rayfrando Diaz, tanan nga occupants kag pasilidad nga wala sang otoridad nagikan sa kapitolyo agud mag-occupy sa Panaad Park ang pagahawanan.
Ini ang kabahin sang preparasyon para sa palaabuton nga major events.
Ini ang kaangay sang Palarong Pambansa nga pagahiwaton sa 2021.
Suno kay Diaz, bastante ang panahon agud limpyuhan ang parkingan, sports facilities, covered courts kag bleachers kun suguran ini subong bangud ang nasambit nga mga pasilidad ang pagagamiton sang mga delegado.
Suno sa provincial administrator, bukas ang Kapitolyo sa mga suhestiyon apang wala pa sang may nagkadto nga asosasyon.
May yara naman sang mga manugbaligya sang bulak nga nagpasugot nga masaylo apang wala pa natumod ang site nga ila sayluhan.
Sa karun suno kay Diaz, nahitso na ang program of works para sa pagpatahom sang Panaad Park kag may available naman nga budget para diri.
