Temporaryo nga nag-ayo ang mga flower vendors sa likod sang Bacolod Arts and Youth Sports Center (BAYS Center) nga sila ang mapahanugutan pa nga makabaligya sa area tubtob sa Pebrero 14, Valentines Day.
Sa interview sang Bombo Radyo Bacolod kay Bacolod City Legal Officer Atty Karol Joseph Chiu, ginsuguran na nila ang pagtukod sang poste bilang preparasyon sa fencing ukon pagpangudal para sa patigayunon nga rennovation sang SM Prime Holdings Inc.
Suno diri, ginapreparar na ang pagpangudal agud masuguran ang pag-obra apang nag-ayo ang masobra 20 ka mga flower vendors nga makonsiderar ang ila pagbaligya tubtob matapos ang Valentines Day bangod sila ang nakapangumpra na sang bulak.
Ini ang ginpaboran man sang City Legal Office, apang sumugod sa Pebrero 15 umpisahan nagid ang pagpangudal, kag napahangop naman sa mga vendors nga sila ang dapat makahalin na sa area.
Samtang sa Pebrero 21, magasugod nama sang pagpangudal sa area pasulod sa Manokan Country.
