Matapos ang flushing activity sa Libertad Public Market kagabi, sunod naman nga patigayonan sang flushing activity ang Burgos Public Market kag Bacolod Central Market karun sa gab-i.
Sa interview sang Bombo Radyo Bacolod kay Bacolod City Administrator Atty Mark Steven Mayo, ang flushing activity ang ginsupervise ni Bacolod City Mayor Greg Gasataya kag nagpartispar diri ang Bacolod Environment and Natural Resources Office (BENRO), Bacolod Transport and Traffic Management Department (BTTMD) kag Bacolod City Legal Office.
Gin-athag sini nga sila ang nagpatigayon sang konsultasyon antes nadesisyonan nga sa gab-i patigayunon ang flushing activities.
Ini bangod mabudlay ini nga himuon sa adlaw kun madamo sang mga tawo kag sila ang nagagamit man sang cleaning materials kaangay sang habon kag chlorine nga mahimo magcontaminate kun yara ang mga baligya.
Target nila sa karun nga ini ang himuon duha ka beses sa isa ka bulan, kag kun makita nga masarangan, ini ang himuon sang tatlo ka beses kada bulan.
Suno kay Mayo, sa inaugural speech ni Mayor Greg, ginpahayag sini nga isa sa iya mga prayoridad ang pagtadlong sang tatlo ka mayor nga merkado.
Sang damlag lang, ginreklamo man ang nagatinulo nga atup sa Burgos Public Market nga ginakapol-kapolan lamang sang mga market personnel.// Gilayon man nga nakaabot ang ginrequest nga materyales kag nagapati si Mayo nga ini ang ginasuguran na kay-o.
May issue man sa kuryente kag iban pa, nga ginpasalig sini nga ila nga i-address isa-isa.
Aminado ini nga may responsibilidad ang mga vendors sa pagpaninlo sa ila mga pwesto partikular na ang market supervisor, apang ang mandato sa pagmanage ang yara gid sang City Mayor’s Office.
