Nakaumpisa naman sang flushing sa Sitio Guintubdan, Barangay Araal sa ciudad sang La Carlota agud nga makakas ang mga abo nagikan sa paglupok sang Bulkan Kanlaon.
Sa interview sang Bombo Radyo Bacolod kay Nida Salsalida, clinic responder sang Kanlaon Park sa ciudad sang La Carlota, amat amat ang flushing bangud delikado kag madanlog nga maagyan.
Suno kay Salsalida, nagastanby sila agud nga magbantay sang status sang Bulkan Kanlaon kag ginahimuan nila ini sang report bangud indi mapaktan ang aktibidad sang Bulkan.
Indi man tanan ang nag-upod sa force evacuation bangud may gina-ulikdan nga mga kasapatan kaangay sang mga manok.
Nagsuprer man ang mga ini sang paglupok sang Bulkan Kanlaon kag sa karun indi na maayo agyan ang pasaka sa Sitio Guintubdan kag daw kaangay na sang ghost town ang lugar.
Natalana nga tsekyaron ang mga tubig sa Guintubdan spring kag mga tubig sa palibot agud nga masiguro nga safe.
