Gin-athag sang focal person sang Provincial Disaster Risk Reduction and Management Office sang Negros Occidental nga yara sa Blue Alert ang probinsya apang ang mabatyagan nga pag-ulan ang bangod sa hangin Habagat kag wala sang igo ang Bagyo Betty sa probinsya.
Sa interview sang Bombo Radyo kay Irene Bel Ploteña, nagapreparar ang tagsa ka mga Local Government Unit sang ila mga food packs, non food items, mga resources kag responders nga handa na nga ideploy in kaso kun may reported nga pagbaha kag landslide.
Dugang pa niya, sa probinysa sang Negros Occidental, 199 ka mga barangay ang ginakabig nga high risk area sa pagbaha kag landslide, ini ang mga barangay sa Victorias, Valladolid, Talisay, Silay, Ilog, Kabankalan, EB Magalona, Hinobaan kag iban pa.
Panugyan sini sa mga pumuluyo, magbantay sa weather update kag maghalong.
Dugang pa ni Ploteña, sa tion nga kinahanglan na mag-evacuate mas maayo nga magsunod na lang sa otoridad para sa safety sang tanan.
Nag-abiso man ini nga halongan ang mga importante nga gamit kag hibaluon ang mga evacuation areas.
