Naglunsyar sang focused military operation ang Philippine Army matapos nga mag-ako ang New Peoples Army nga sila ang nagsunog sa duha ka dump truck kag isa ka back hoe sa Sitio Medel, Barangay Carabalan, Himamaylan City, Negros Occidental.
Ang heavy equipment ginapanag-iyahan ni Mildred Grace Titular, 64 anyos, kasado, Punong Barangay sa Brgy Carabalan.
Sa interview sang Bombo Radyo Bacolod kay Col. Rommel Erwin Lamzon, Head, 3rd Infantry Division Public Affairs Office sang Philippine Army, ginpahayag sang NPA nga sila ang sa likod sa pagpanunog sa tatlo ka heavy equipment.
Bangod sini, naglunsyar sang focused military operations ang 303rd Infantry Brigade kag 302nd Infantry Brigade agud laoton ang mga rebelde kag indi na makapalagyo pa.
Suno diri, ginhimo na sang Philippine Army ang tanan para mangin estable kag malinong ang pagpangabuhi sang mga tawo apang may yara sa gihapon sang mga nagapanggamo.
Nagpasalig naman si Lamzon nga indi sila mag-untat tubtob nga indi mapanas ang grupo sang mga rebelde.
