Food and Drinking Water Quality Monitoring Committee sa probinsya sang Negros Occidental, ginconvene

Gintipon ang Food and Drinking Water Quality Monitoring Committee sa probinsya sang Negros Occidental agud malikawan ang halit sang cholera kag typhoid sa probinsya.

Kasunod sa mga pag-ulan kag pagbaha nga naeksperyensyahan sang nakaligad ginalantaw nga ini ang halinan sang mga balatian.

Suno kay Negros Occidental Governor Eugenio Jose ‘Bong’ Lacson, gina-ingganyo sini ang mga Local Government Units nga magdihon sang tikang para isecure ang safety sang publiko.

Suno diri, dapat nga imonitor ang source sang tubig kag pagkaon agud nga malikawan nga magkabalatian.

Sa pihak nga bahin, ginkansela naman ang klase sa tanan nga lebel sa banwa sang Cauayan bangod sa makusog nga ulan kag hangin nga dala sang bagyo Leon.