Aminado ang alkalde sa ciudad sang Bacolod nga nakaangkon sang kabudlayan ang mga fire trucks nga makaresponder gilayon sa sunod sa Barangay 27, Bacolod City.
Sa interview sang Bombo Radyo Bacolod kay Mayor Greg Gasataya, ginpahayag sang Bacolod City Fire Station nga alas-12:09 na sang mareport ang sunog.
Kag sa nasambitan nga tion, may nagaluntad man nga sunog sa area padulong sa Barangay Granada nga ginrespondihan sang apat ka firetrucks.
Dugang pa nga kabudlayan sa pagsulod ang kadamuon sang pamalay sa area.
Suno sa alkalde 90 porsyento gid sa mga nahalitan nga balay ang totally damaged.
Sa karun padayun man ang pagproseso para mahatag ang financial assistance, apang ini ang magasapol pa sa konseho agud diskusyunan kun pila ang sarang mahatag nga bulig.
Ginpasalamatan man sini ang tanan nga nagbulig nga fire fighting units kasubong man ang mga pumuluyo nga nag-assists sa mga bombero. Samtang naplastar na sang Bacolod City Government ang mga inisyal nga igahatag nga mga ayuda sa mga fire survivors sa nagluntad nga sunog sa Barangay 27, Bacolod City.
Sa interview sang Bombo Radyo Bacolod kay Mayor Greg Gasataya, wala pa makarelease sang financial assistance, apang ginseguro na nila ang paghatag sang pagkaon kag iban pa nga mga essentials.
Aga pa lamang yara na sa area si Mayor Greg agud magbulig sa mga nasunugan tubtob sa pagdala sa ila sa Apolinario Mabini Elementary School.
Aminado man ang alkalde nga limitado ang lugar, gani luwas sa mga classrooms, sila ang may gintukod man nga mga tents sa covered court kag bisan sa hall way.
Sa stage naman ginaderetso ang mga donasyon.
May ginhatag man nga balde sa mga evacuees nga naga-unod sang ilislan nga panapton, habol, ulunan kag toiletries samtang may foodpacks man gikan sa Department of Social Welfare and Development.
May-ara man sang nahamtang nga doktor kag social worker sa lugar.
Ang social worker amo ang nagamanage sang mga donasyon agud ini ang mapartida sang patas sa mga evacuees.
Ginseguro man nila ang tubig nga ma-inom kag ang tubig nga magamit sa pangginawi, kasubong man nagpatukod sang mga portalet bangod indi supisyente ang CR sa eskwelahan.
