Cardiac arrest ang gintunaan sang kamatayon sang isa ka food delivery rider nga nagbunggo sa isa ka auto sa Brgy. Tangub, Bacolod City kahapon.
Sa interview sang Bombo Radyo kay Police Staff Sergeant Celerino Arollando, traffic investigator sang Bacolod Police Station 8, nagabyahe halin sa north padulong south ang food delivery rider nga si Rene Caseres, 54 anyos kag residente sang Ramylu Village, Brgy. Tangub, Bacolod City sang nag-overtake ini sa isa pa gid ka motor kag bangud sa madasig nga pagpadalagan, nag-arangkada ini kag nagbunggo sa buli sang salakyan nga ginamaneho ni Charlie Alcocillo, 54 anyos kag residente sang Brgy. Tangub, Bacolod City.
Suno kay Arollando, natumba si Caseres apang wala ini sang injury ukon bleeding.
Gilayon ini nga gindala sa balaybululngan apang gindeklarar nga wala na sang kabuhi.
Suno sa traffic investigator, santo sa deklarasyon sang doktor, cardiac arrest ang gintunaan sang kamatayon sang biktima
