Pilason ang 52 anyos nga lalaki matapos gintiro sa Hacienda Mekayla, Brgy. Talotog, Murcia, Negros Occidental, kahapon sang hapon, July 26.
Suno sa Murcia Municipal Police Station, ang biktima ang ginkilala kay Rommel Peña sang nasambit man nga lugar kag nagatrabaho sa isa ka manokan.
Santo sa imbestigasyon, nagalakat ang biktima sang gintiro sang suspetsado nga nagasakay sa motorsiklo kag nagasuksok sang bonnet.
Naigo sa idalom sang natuo nga dulunggan si Peña.
Gilayon man nga nagpalagyo ang suspetsado sakay sa motorsiklo.
Ginabulong sa karon sa ospital sa Bacolod ang biktima.
Ini na ang ikaduha nga kahigayunan nga gintiro si Peña.
Sang bulan sang Hunyo, gintiro man si Peña malapit sa lugar kun sa diin ini gintiro kahapon apang siya ang nakasalbar.
