Patay ang isa ka Force Multiplier matapos gin-tiro sang iya kaingod sa Purok Cabugwason, Barangay Vista Alegre, Bacolod City kaina sang aga.
Ginkilala ang biktima nga si Ramelo Oliveros, 37 anyos, force multiplier samtang suspek ang ginkilala kay Dennis Galo, legal ang edad, lunsay mga residente sang Purok Cabugwason, Barangay Vista Alegre, Bacolod City.
Gindala pa ang biktima sa ospital apang gindeklarar nga dead on arrival.
Ginapahayag nga rason sa pagtiro sang suspek sa biktima amo ang illegal tapping sang kuryente.
Sa interview sang Bombo Radyo Bacolod kay Punong Barangay Engineer Jerry Tingson sang Barangay Estefania, ang amay ni Ramelo amo ang Barangay Tanod kag nagbulos lamang ini sa iya amay sang 2022 apang wala ini nagdugay
Suno kay Tingson, indi gid sini kilala ang biktima kasubong man ang suspek.
Suno diri nagatrabaho man ini nga Force Multiplier apang wala ini sang allowance nagikan sa barangay.
Suno kay Tingson ang mga force multipliers ang mga ginahire agud nga magbantay sa mga subdivisions nga recognize sang Barangay.
Suno naman kay Jeros Bautista, manak sang ginatudlo nga suspek nga si Dennis Galo, magarot gid man ang suspek bangud masami nagamaoy kag palahubog.
Suno kay Bautista, sa tion nga magmaoy ang suspek ginasakit ang ila nga iloy gani ginatawgan niya ini sang police kag napablotter man nila ini.
Kaina sang aga, antes ang shooting incident, suno sa mga manghod ni Jeros gindul-ong pa ni alyas Don Don ang ila manghod apang wala niya ini nakita nga nagdala sang sulpak.
Ginsundan niya man sini ang suspek kag nakabati na lamang ini sang lupok sang armas-luthang kag wala niya makita ang suspek.
Ginpahayag man sini nga naga-illegal tapping gid man sang kuryente ang ginatudlo nga suspek.
Suno kay Jeros, sa tion nga magmaoy ang suspek ginapakita kita sini ang iya nga armas-luthang.
Nagpanawagan man ini kay alyas DonDon nga magsungka nalang bangud may yara man sang pamilya ang biktima nga nagapangita sang hustisya.
