Patay ang senior citizen nga foreign national matapos macardiac arrest sa sulod sang hotel sa Barangay Mandalagan, Bacolod City.
Ang biktima ang ginabanta yara na sa 80s ang edad kag kapin duha ka tuig naman nga naga-istar sa hotel.
Sa impormasyon nga natipon sang Bombo News Team, madugay na nga nagtaliwan ang asawa nga Pilipina sang ginalantaw British National gani ini ang naga-isahanon na lamang nga nagapuyo sa hotel.
Ini ang nagpanaog sa iya kwarto kapin alas-8:30 kaina sang aga agud magbakal sang pamahaw.
Apang matapos magbayad sa cashier ini ang nagkurog kag natumba.
Ang biktima ang wala na nadala pa sa ospital sang gindeklarar nga wala na nagaginhawa.
Sa pagtsekyar sang CCTV footage, wala man sang nakita nga foul play, kag sa medical result, ini ang natumod nga nacardiac arrest.
Gincontact naman ang pakaisa sang iya nga asawa agud maclaim ang bangkay sang foreign national.
