Patay ang isa ka foreign national matapos malumos sa Front beach, Wow Sipalay, Brgy 2, Sipalay City, Negros Occidental kahapon, Agosto 28.
Ginkilala ang biktima nga si Ray Woods, 86 years anyo, single kag residente sang Kansas, USA apang temporaryo nga nagapuyo sa Zayco Land Resort, Kabankalan City, Negros Occidental.
Sa interview sang Bombo Radyo Bacolod kay Police Captain Jose Michael Muñez, Deputy Chief of Police sang Sipalay City Police Station, ala 1:00 kahapon naghagaday si Woods kag ang abyan sini nga si Dana Wesley Smith nga residente sang Burgos St. Lusuriaga, Ilog, Negros Occidental nga magpaniaga sa lugar kag bangud malapit ang beach front, nagpaligo sila.
Suno kay Muñez bangud sa kakusog sang balod, natumba si Woods apang wala na ini natalupangdan tubtob nga nalumos.
Gintungaan pa ini salbaron sang iya kaupod kag mga pumuluyo.
Gilayon man ini nga gindala sa ospital apang wala na ini natabangan pa.
