Nagapadayon sa pagbiya sa Lebanon ang mga foreign nationals nagikan sa Europa, Asia kag Middle East sang Biyernes samtang naga-intensify ang pagpangbomba sang Israel sa Beirut kag sa tunga sang mga panawagan sang gobyerno sa ila mga citizens nga maghalin na sa pungsod.
Sa karun, kapin 1.2 million nga mga Lebanese citizens ang nadisplaced kag kalabanan ang nagikan sa sur nga bahin sang pungsod kun sa diin nag-initiate ang Israel sang isa ka ground incursion batok sa Hezbollah.
Asod-asod kag mabaskog nga mga paglinupok ang nabatian malapit sa Beirut airport sang Lebanon kun sa diin nakit-an ang mga aso matapos nabatian ang mga jets.
Malapit 2,000 na ka mga persona ang nagkalamatay humalin sang nagsugod ang pagpang-atake sang Israel sa Lebanon sang tinalikdan nga tuig lakip na ang 127 ka mga kabataaan apang kalabanan sa mga casualties ang nagikan sang tinalikdan nga semana.
