Magapatigayon na sang formal turn-over ang Benitez Administration sa Gasataya administration sa Hunyo 20, 2025.
Sa pahayag ni Atty. Mark Mayo, ang magapamuno sang transition team ni Mayor-elect Greg Gasataya sang ciudad sang Bacolod, nga ang nasambit nga petsa ang gintalana sang Department of the Interior and Local Government (DILG) para sa transistion team.
Suno kay Mayo, sa Hunyo 20, patigayunon ang pag-turnover sang mga dokumento, accountabilities kag iban pa nga important assets sang ciudad sang Bacolod sa incoming Gasataya Administration.
Kaupod ni Mayo sa transistion team ni Bacolod City Mayor Elect kag Bacolod City Lone District Representative Greg Gasataya amo si former SK Federation Ayesha Villaflor kag Executive Assistant Arlene Memoria.
Samtang ang chairman naman sang turn-over sang karun nga administration amo si outgoing Bacolod City Mayor kag Bacolod City Lone District Representative elect Alfredo “Albee” Benitez kag ang Vice Chairman Bacolod City Legal Officer Atty. Karol Joseph Chiu.
Alas 3:00 ang takna sa hapon patigayunon ang event samtang estoryahan sa turn-over kun ano ang current status sang ciudad.
