Ginpamangkot ni US President-elect Donald Trump si President Ferdinand “Bongbong” Marcos Jr. kamusta si former First Lady Imelda Marcos sa isa ka scheduled phone call sa tunga sang duha ka mga pinuno.
Ginpahayag ni Marcos nga gincongratulate sini si Trump bangud sa pagdaog sa US presidential elections batok kay US Vice President Kamala Harris.
Suno kay Marcos, natigayon ini nga nagschedule sang isa ka phone call kay President-elect Donald Trump kag naistorya niya ini.
Suno diri, mag-abyanay si Trump kag ang iya iloy kag kilalahay ang mga ini gani ginkamusta ni Trump si Imelda.
Nagsabat naman si Marcos nga gincongratulate sang iya iloy si Trump.
Suno sa iya, ila man gindiskusyunan ang alyansa sa tunga sang Pilipinas kag Estados Unidos.
Dugang pa sini nga iya ginhambalan ang US president-elect nga madamo sang mga Filipino sa Amerika nga nagboto kay Trump.
