Ginpahayag ni former Bacolod City Mayor Monico Puentevella, nga importante nga mapakita sa mga pumuluyo sang ciudad nga naga-isa ang mga anay alkalde kag ang alkalde sa karun.
Sa interview sang Bombo Radyo Bacolod kay Former Mayor Monico Puentevella, nagkita-ay kag nagpapicture ini kaupod sanday Former Mayor Evelio “Bing” Leonardia, Former Mayor Luzviminda “Joy” Valdez kag current mayor Alfredo “Albee” Benitez sa isa ka event nga pagselebrar sang Chinese New Year.
Suno diri, natapos na ang eleksyon, apang wala sang may nakahibalo kun ano ang lakat sang pulitika.
Posible nga may yara sang mag-updanay kag posible man nga may yara sang mag-engkwentrohanay.
Dugang pa sini amo ang pahayag nga “Nothing Is Impossible and Anything Can Happen”.
Apang, suno diri, isa ka maayo kag importante nga butang amo nga makita sang pumuluyo nga maayo ang relasyon sang apat ka nangin alkalde sang ciudad.
