Magapadayon ang trabaho ni former Public Employment Services Office (PESO) officer-in-charge (OIC) Jovelyn Canoy bilang coordinator sang talatapan.
Suno kay Bacolod City Administrator Atty. Pacifico Maghari nga amo sa karun ang nagapungko nga OIC sang PESO, ang assignment sini ang may validation gikan sa National level.
Paathag ni Maghari nga gintawagan sang Department of the Interior and Local Government (DILG) ang atensyon sang Bacolod City Government bangod santo sa PESO Act, kinahanglan ang permanent position sa pamunuan sang talatapan kag ini ang may kalakip nga requirement nga dapat Salary Grade 24.
Naibaluan nga si Canoy bilang Executive Assistant II ukonjSalary Grade 17, gani siya ang indi qualified sa pwesto.
Paathag ni Maghari nga suno sa derektiba, samtang wala pa sang nakita nga magakapit sang permanent position, ini ang igahatag anay sa City Administrator.
Suno diri, nakita man nila ang maayo nga nangin performance ni Canoy sa pagpamuno sa PESO.
Gani ini ang magapabilin sa trabaho bilang coordinator, kag ginakunsiderar naman ini sang City Administrator bilang tandem ukon koordinasyon sang ila nga pagtrabaho.
Pinaagi sini magluwas nga ila matuman ang mandato sang layi, mahimo pa nila nga mapadayun kag ma-imprubar ang mga operations sa PESO.
Suno diri, sila ang magasugilanon pa kay Bacolod City Mayor Alfredo “Albee” Benitez sa masunod nga semana agud nga maplastar ang arrangements sang ila trabaho.
