Thank you and Good Bye! Ini ang nangin pahayag sang former city director sang Bacolod City Police Office sa ginpatigayon nga turn-over of command kahapon sa Bacolod City Police Office.
Suno kay Police Col. Thomas Joseph Martir, nagapasalamat ini sa suporta nga ginhatag sang alkalde sang syudad sang Bacolod sa Bacolod City Police Office bangud madamo sang ginhatag nga patrol vehicles agud magamit sang mga kapulisan kag ginpasalamatan man sini nga nadugangan ang allowance sang mga police kag bangud man sa leadership ni Bacolod City Mayor Alfredo Benitez kag Congressman Greg Gasataya, madamo man sang buildings nga ginpatukod sa BCPO nga ginalakipan sang administration,mobile force company building kag multi-purpose firing range kag barracks.
Suno kay Martir, sa iya nga pagpamuno, kapin 14 kilos ka mga illegal nga druga ang ila nga nakumpiskar kag nakadismantle sang apat ka mga criminal gangs kag isa nalang ang nabilin.
Wala man sang narekord nga insidente sang ginpatigayon ang national and local elections sang tinalikdan nga tuig kag wala amo man sa Masskara Festival kag Bacolaodiat.
Ginpasalamatan man ni Martir ang tanan nga mga police personnel sa BCPO bangud kun wala ang mga ini, wala man sila sang na-accomplish.
Liwat sini nga ginpasalamatan ang mga personnel sang BCPO, alkalde kag kongresista sang syudad kasubong man ang mga pumuluyo nga nagbulig kag nagsuporta agud nga maserbehan sini sang maayo ang syudad sang Bacolod.
