Gincriticize ni anay Commission on Election commissioner Rowena Guanzon ang former First Division sa pagdismiss sang disqualification case nga ginfile batok kay presidential aspirant Ferdinand “Bongbong” Marcos Jr.
Sa isa ka 41-page resolution nga ginsulat ni Commissioner Aimee Ferolino, gindismiss sang division ang consolidated suit batok sa kandidatura ni Marcos bangud sa “lack of merit”.
Sa Twitter, namangkot si Guanzon nga kun wala sang layi nga nagahatag sang penalidad sa indi pagfile sang ITR, ngaa naconvict si BBM sadto?
Gindugang man sini nga ka mga alam sang naghimo sang resolution.
Antes nagretiro sa Pebrero, gin-akusahan ni Guanzon, presiding officer sang Comelec First Division, si Ferolino sa pagdelay sang pagpagwa sang desisyon sang disqualification cases batok kay Marcos agud mainvalidate ang iya boto.
Ginpanginwala ni Ferolino ang akusasyon kag ginpahayag nga luyag ni Guanzon nga impluwensyahan ang iya ruling.
Suno kay Comelec spokesman James Jimenez, ginbasura sang division ang consolidated petitions sanday Bonifacio Ilagan, Abubakar Mangelen kag Akbayan bangud sa “lack of merit”.
