Ginrekomendar sang International law expert nga si Atty. Ralph Sarmiento ang gilayon nag pagpakig-angot sang gobyerno sa mga otoridad sang France kasunod sang pagpagwa sang impormasyon nga nag-apply sang asylum sa France si anay Ako Bicol Representative Zaldy Co.
Madumduman nga napaslawan ang special team nga maabtan si Co sa kustodiya sang Czech Republic matapos ginreport nga ini ang gin-intercept sang immigration sa nasambit nga lugar.
Ginpahayag sang Malacanyang nga may yara sang pending nga asylum application si Co sa France.
Paathag ni Sarmiento, dapat gilayon ini nga beripikahon sang gobyerno kag makig-angot sa french authorities agud mabalabagan ang request ni Co.
Suno diri, importante nga mapakita sang gobyerno nga wala sang basehan ang asylum application ni Co bangud wala sang may gakatabo nga political persecution sa iya diri sa Pilipinas.
Dugang pa, kinahanglan nga ipasiguro sang gobyerno nga wala sang threat sa kabuhi ni Co kag sa baylo, ginalaut lamang ini sang gobyerno agud pasabton sa tanan nga serye sang korapsyon sa pungsod may kaangtanan sa iya.
