Nagpagwa sang Part 3 sang iya videotaped statement si former Ako Bicol Representative Zaldy Co kahapon, kun sa diin liwat niya gin-akusaran si President Ferdinand Marcos Jr. kag anay House Speaker Martin Romualdez nga nakabaton sang masobra P56 billion nga kickbacks halin sa gina-alegar nga anomalous flood control projects.
Gilayon man nga gin-dismiss sang Malacañang ang pinakabag-o nga akusasyon ni Co kag gintawag nga puro lamang kabutigan.
Sa amo man nga video, ginkontra ni Co ang una nga pahayag ni anay Department of Public Works and Highways district engineer Henry Alcantara, nga nagpahayag nga si Co ang nagbulsa sang P21 billion nga kickbacks.
Suno kay Co, indi ini matuod kag ginpahayag nga ang P56 billion ang nagkadto tanan kay Marcos Jr. kag Romualdez.
Suno diri, Marso pa lamang ginapabati-batian na ini na Romualdez nga mahimo siya nga ipapatay kun magasugid.
Ginhangkat man sini si Ombudsman Remulla nga tumanon ang pahayag nga imbestigahan si Romualdez kag Marcos kun siya ang makapagwa sang ebidensya.
