Ginproklamar na sang Commission on Election (Comelec) ang bag-o nga alkalde sang Bacolod.
Kaina sang aga opisyal nga ginproklamar sang Comelec bilang alkalde sang Bacolod si anay Negros Occidental 3rd District Representative Albee Benitez matapos nga ginlutos sini ang incumbent nga alkalde sang syudad nga si Bacolod City Mayor Evelio “Bing” Leonardia.
Nakakuha si Benitez sang 171,893 votes apang si Leonardia ang nakakuha lamang sang 107,447 votes.
Apang wala naman ginpalad ang katandem nga vice mayoralty candidate ni Benitez nga si Atty. Ceasar Distrito.
Samtang kaina sang aga ginproklamar man si reelectionist Bacolod City Vice Mayor El Cid Familiaran nga nakakuha sang 128,893 votes apang ang kasumpong sini nga si Distrito ang nakakuha lamang sang 103,236.
Kalakip man sa proklamasyon ang pagdaog ni reelectionist Congressman Greg Gasataya nga may 185,470 votes.
Ang mga kasumpong sini nga sanday Dan Atayde ang nakaangkon sang 80,591 votes; Nonong San Miguel nga 850 votes; Romy Gustilo nga may 738 votes kag Willy David nga nakakuha sang 618 votes.
