Ginkumpirmar ni Department of Justice Secretary Fredderick Vida nga wala na sa teritoryo sang Czech Republic si anay Ako Bicol Party-list Representative Zaldy Co, suno sa mga otoridad sa nasambit nga pungsod.
Personal nga nagpadulong sa Prague ang tiglikom agud makighinun-anon sa mga opisyal kag siguruhon ang estado sang anay kongresista.
Suno kay Vida, base sa impormasyon sang mga otoridad sa Czech Republic, nagapabilin si Co sa sulod sang Schengen Area apang ginalantaw sa karon sang DOJ ang posibilidad nga mahimo wala na si Co sa nasambit nga pungsod kag nag land travel padulong sa mga kaingod nga pungsod kaangay sang Germany, Austria, Poland, ukon Slovakia.
Madumduman nga gin-anunsyar ni President Ferdinand Marcos Jr. sang Abril 16 nga nadakpan na si Co sa Czech Republic bangud sa pagpaninguha nga makasulod sa amo nga pungsod nga wala sang nagakaigo nga dokumento.
