Ginpahayag ni Senator Christopher “Bong” Go nga nakagwa na sa ospital si Former executive secretary Salvador Medialdea sa Netherlands.
Gin-post ni Go ang picture ni Medialdea sa iya Facebook account kag ginsiling ginpagwa na ini sa ospital matapos na-confine sa sulod sang duha ka adlaw.
Suno kay Go, malipayon niya ini nga ginabalita nga nakagwa na ospital anay executive secretary nga pila man ka adlaw nga naconfine sa The Hague, Netherlands.
Nagpasalamat man ini sa mga pumuluyo nga nagpangamuyo para sa ikaayong lawas, seguridad kag paghilway kay former President Rodrigo Duterte nagikan sa kustodiya sang International Criminal Court.
Sang Marso 18, ginpagwa si Medialdea sa The Hague Penitentiary Institution sakay sa stretcher kag gindala sa ospital pinaagi sa ambulansya.
Kaupod sang anay presidente si Medialdea sang ginlupad ini padulong sa ICC sang Marso 11.
