Nagapati si former Negros Occidental Governor Rafael ‘Lito’ Coscolluela nga madamo ang mga rason kun ngaa nagalikaw ang isa ka kandidato sa interview sang media ukon debate.
Sa interview sang Bombo Radyo kay Coscolluela, nagapati ini nga ang kandidato nga nagabalibad nga magtambong sa candidates forum ang nahadlok mabuking nga lain ang imahen sini nga ginaproject sa social media sangsa genuine nga pagkatawo.
Suno kay Coscolluela, importante ang image building kag pwede diri maduso ang butig paagi sa professional work sang advertising agency apang matsekyar naman ang image versus actual personality paagi sa pag-atubang sa kandidato kag mapadalman ang iya rekord.
Sa tion nga maglikaw ang kandidato sa interview suno sa anay gobernador, mahimo man nga nahadlok ini sa mabudlay nga mga pamangkot sa mga issues nga ginaatubang bangud sigurado gid nga siya ang pamangkuton.
Ang rejection sang forum ang nagakahulugan man nga wala sang ipresentar ang kandidato angot sa iya plano kag kapasidad sa pagdumala sa pungsod.// Suno sa convenor sang 1SamBayan, ginadinalok sang kandidato sa botante ang iya kinamatarong nga makilala ang mga aspirants kun mag-absent ini sa forum ukon interview.
Kun absent ang kandidato sa forum suno sa anay opisyal, sarang na nga makapamangkot ang botante kun ano nga sahi sang opisyal ang natungdan kun ini ang magdaog.
