Na-transfer na sa Quezon City Jail Male Dormitory sa Payatas si former House Speaker Martin Romualdez.
Nag-abot ang convoy nga nagdala kay Romualdez naggikan sa University of the Philippines (UP)-Philippine General Hospital (PGH) mga alas-10:54 sang gab-i kahapon sang Lunes, Setyembre 14.
Ginpaidalom sa standard commitment kag booking procedure sa Quezon City Jail si Romualdez, kalakip ang pagkumpiskar sang mga indi otorisado nga mga gamit, pagkuha sang mug-shot, pag-usisa sa medical history, kag pagpahamtang sa iya sa sulod sang selda.
Ini matapos nagpagwa sang direktiba ang Sandiganbayan nga dapat ibalhin na sa QC Jail ang mamalidha matapos makita nga ini ang “clinically stable” na kag indi na dapat mapalawig pa ang confinement sa ospital.
Gin-aresto si Romualdez sang Setyembre 7 matapos magpagwa ang Sandiganbayan sang warrant of arrest bangud sa P7.4 billion plunder nga gin-file sang Office of the Ombudsman.
Una nga na-confine ang kongresista sa Cardinal Santos Medical Center antes ginsaylo sa UP-PGH sang Sabado, Setyembre 12 para sa independent examination.
