Ginpahanugutan sang Sandiganbayan Third Division si anay House Speaker Ferdinand Martin Romualdez nga magtambong sa iya arraignment kag pre-trial paagi sa videoconference subong nga adlaw, Setyembre 16.
Ginkumpirmar ni Third Division clerk of court Atty. Dennis Pulma nga gintugutan sang tribunal ang motion ni Romualdez natuhoy sa videoconferencing.
Natalana subong nga adlaw sang Miyerkules ang arraignment sang mamalidha, alas 8:30 sang aga.
Ang Leyte congressman ang nagapangatubang sang plunder charges may kaangtanan sa gin-alegar P7.2 billion kickbacks halin sa mga alokasyon para sa infrastructure projects.
Nagapabilin naman nga at-large ang mga co-accused ni Romualdez nga sanday, former Ako Bicol party-list Rep. Zaldy Co, Samchan Foreign Exchange Corp. president Felicito Guevarra, kag ang personal assistant ni Romualdez nga si Joselyn Sereño.
Yara sa karon si Romualdez sa Quezon City Jail sa Payatas.
Temporaryo naman ini nga gindala sa jail infirmary kaupod ang iban nga priso nga nagkinahanglan man sang medical monitoring.
Madumduman nga gin-aresto ang former Speaker sa Cardinal Santos Medical Center antes siya gin-transfer sa Philippine General Hospital.
