Natalana nga imbitahan sa Senate Blue Ribbon Committee sanday former House Speaker Ferdinand Martin Romualdez kag resigned Ako Bicol party-list Rep. Elizaldy Co.
Ini agud mahatagan sang pagpaathag ang ginaalegar involvement sang mga ini sa mga anomaliya sa flood control projects.
Suno kay Senate President Pro Tempore Panfilo Lacson nga amu ang nagapamuno sang Senate Blue Ribbon Committee, ginahulat pa nila ang development sa kaso antes ang pagschedule sa masunod nga hearing kag didto ipadala ang imbitasyon.
Magaagi kay House Speaker Faustino Dy III ang imbitasyon kay Romualdez samtang ipadala na lamang sa address sini ang imbitasyon kay Co.
Ginpanginwala naman sang Senador nga may yara sila sang ginatarget ukon ginapaburan kasubong man ginaprotektahan nga mga personalidad sa ginapatigayon nga imbestigasyon.
