Ginpaathag sang kampo ni Leyte Rep. Ferdinand Martin G. Romualdez ang report angot sa precautionary hold departure order (PHDO) nga ginpaguwa sang Sandiganbayan sa hingyo sang Office of the Ombudsman.
Suno kay Atty. Ade Fajardo, abogado kag spokesperson ni Romualdez, ang kongresista ang nagapabilin sa Pilipinas kag wala nakahalin sa pungsod.
Suno diri, ang bisan ano nga report nga nagpalagyo si Romualdez ang “kabutigan kag iresponsable.”
Gin-athag ni Fajardo nga nag-agi sa nagakaigo nga proseso si Romualdez sang nag-request kag nakakuha ini sang kinahanglanon nga travel authority, kag nagpakig-angot sang husto sa Department of Justice kag Bureau of Immigration para sa apat ka adlaw nga medical check-up sa iya doktor sa Singapore.
Dugang pa sang kampo, sa umpisa pa lang, nagpakita na si Romualdez sang kooperasyon, transparency, kag respeto sa legal nga proseso.
Apang, nagapati ang iban nga isa ini ka tikang ni Romuladez agud makapalagyo.
Ginpasiguro ni Fajardo nga gamiton nila ang tanan nga nagakaigo nga legal remedies agud kwestyunon ang pag-issue sang PHDO sa nagakaigo nga forum.
Ginpabilin man sang kongresista nga handa ini nga direkta nga atubangon ang mga alegasyon batok sa iya.
