Ginpakigbahin ni Former Iloilo City Mayor Jed Mabilog ang ginaalegar plano sang 2017 nga piliton ini nga itudlo sanday former senators Mar Roxas kag Franklin Drilon sa illegal drug trade.
Sa isa ka speech sa House Quad Committee nga naga-imbestiga natuhoy sa gambling hubs kag illegal drugs, gindumdum ni Mabilog ang “paralyzing terror” natuhoy sa ginaalegar kill plot batok sa iya kag ginaalegar scheme agud mapilit ini nga i-tag ang Liberal Party stalwarts sa illegal drugs.
Si Mabilog kag ang iya pamilya ang nagtinir sa Estados Unidos sa sulod sang pito ka tuig matapos ini makapila ka beses nga makabaton sang drug accusations nagikan kay former President Rodrigo Duterte.
Gindumdum sini nga sang Agosto 28, 2017, siya ang nakabaton sang wala ginalauman nga tawag nagikan kay former Philippine National Police Regional Director Bernardo Diaz, nga nag-imbita sa iya nga makigkita kay sadto PNP chief kag sa karun Sen. Ronald dela Rosa sa Camp Crame sa Quezon City pagkasunod nga adlaw.
Pagkahapon, isa ka PNP colonel ang ginaalegar nagtawag sa iya sa isa ka tingog nga nagtuga sang kahadlok kag nagpaandam diri nga indi magkadto sa Camp Crame bangud delikado ang iya kabuhi.
