Dismayado ang Former Kabataan Partylist Represantative sa desisyon sang House Prosecution Pannel nga i-withdraw ang tatlo sa apat ka articles of impeachment.
Sa interview sang Bombo Radyo kay Kabataan Partylis Former Represantative Raoul Manuel, ginpahayag sini nga apisar nga mahimo na nga ma-convict si Vice Presidente Sara Duterte sa bahin sang Article 2 ukon unexplained wealth, dapat mabutang sa record ang tanan nga nakomiter nga sala sang Bise Presidente.
Suno kay Manuel, indi manami ang nangin plot twist bangud madamo na kuntani sang mga ebidensya nga naggwa nga ginabantayan sang mga pumuluyo.
Dapat suno sa iya, ginbilin ang Article 1, 4, kag 3 agud makadesisyon ang senate impeachment court kag maklaro kun diin naghalin ang manggad ni VP Sara.
Suno diri, kun nagapati ang prosekusyon nga yara sa ila ang kamatuoran, wala sang madula kun ang depensa ang hatagan nila sang kahigayunan nga magsabat kag mabatian ang ila nga bahin basta indi lang pag i-delay ang proceedings.
Pahayag sini, maayo man kuntani ang tinutuyo san prosekusyon nga indi na paglawigon ang trial, apang kun ang tinutuyo mismo ang pagpalip-ot dapat ginhimo na kuntani ini sa una palang.
Suno diri, kun kabahin sang strategy sang prosekusyon ang pagpadasig sang proceedings, luyag man ini sang mga pumuluyo.
Apang, may pila lamang ka valid questions partikular na sa bahin sang Article 1 ukon confidentials funds nga suno sa iya may mabug-at man nga mga ebidensya.
