Para sa anay Kongresista sa idalom sang Kabataan Partylist, nakita sini nga indi sa tanan nga tion Supreme ang Korte Suprema kasunod sang ruling nga nagadeklarar nga constitutional sa layi para sa 5-years term sang mga Barangay kag Sangguniang Kabataan officials, nga nagresulta sang liwat nga pagpa-iway sang eleksyon.
Sa interview sang Bombo Radyo Bacolod kay former Kabataan Partylist Representative Raoul Manuel, nagpagwa na sang ruling ang Korte Suprema nga nagahatag sang mataas nga standard antes makapatigayon sang suspension sang eleksyon agud indi na maliwat ang mga nauna nga postponement.
Para kay Manuel, kaangay nga mental gymnastics na lamang ang ginahimo para ma-justify ang desisyon.
Ginakasubo man sini nga ang nagdraft sang desisyon amo ang bag-ong pungko nga si Chief Justice Rodil Zalameda sang ini ang Associate Justice pa.
Suno diri, indi dapat pabay-an ang mga nagapungko nga masunod kun ano lamang ang ila luyag, kun sa diin bisan ang check and balance ang wala na naga-epekto.
Pahayag sini nga ini ang ginkasugtan pa sang legislative, executive, judiciary agud lamang matuman ang ila luyag.
Para kay Manuel, kaangay nga reward para sa mga non-performing officials ang deklarasyon bangod sila ang ma-extend sang duha ka tuig apisar nga wala nagaserbisyo sang maayo.
Dugang pa niya nga may-ara ini sang nahibaluan nga bilog gid nga Sangguniang Kabataan council sa isa ka Barangay ang nagresign bangod wala na-uyunan ang desisyon.
