Ginsentensyahan sang International Criminal Court (ICC) si former Kosovo president Hashim Thaci sa 25 ka tuig nga pagkapriso.
Ini matapos mapamatud-an nga guilty sa kaso nga war crimes.
Ini may kaangtanan sa independence war sang Kosovo batok sa Serbia sang 1990.
Sa nasambit nga gyera, kapin 10,000 ka indibidwal ang napatay.
Napagwa ang verdict matapos ang tatlo ka tuig nga trial sa mga kaso nga ginalakipan sang murder, illegal arrests, torture, kag cruel treatment.
Si Thaci ang co-founder kag commander sang Kosovo Liberation Army (KLA), grupo nga nagpakigbato sang kahilwayan, kag ginakabig nga baganihan sa Kosovo.
Kaupod sini nga co-accused ang tatlo ka anay commander sang KLA.
Gintukod ang Kosovo Liberation Army (KLA) sang 1990 bilang militant group sang ethnic Albanians sa natabo nga giyera sa Ethnic Serb minority.
Nangin una nga Prime Minister si Thaci sang Kosovo sang sila ang nagdeklara sang independence sang 2008 kag nangin presidente apang siya ang nagbiya sa pwesto sang 2020 agud atubangon ang kaso sa the Hague.
