Nagpanindugan si Former Magdalo Partylist Representative Gary Alejano nga insakto ang ginhimo nga pagfile sang impeachment complaint batok kay Vice President Sara Duterte.
Isa si Alejano sa complainant nga nagfile sang impeachment batok sa bise presidente.
Sa interview sang Bombo Radyo Bacolod kay Alejano, may yara sang 24 ka article sa impeachment complaint nga ginalakipan sang culpable violation sang constitution, graft kag corruption, bribery, betrayal of public trust, kag iban pa nga high crimes.
Suno diri, humalin pa sadto consistent sila sa pagtindog nga magpamatok sa mga abusado sa gobyerno kag madugay na nila nga plano nga magfile sang impeachment apang may kabudlayan sila sa pagpangita sang mangin endorser.
Dugang pa sini, bisan sang akalde pa lamang si Duterte sa ciudad sang Davao, nagdangat na sa kapin P2.8 billion ang confidential funds sini kag ini ang naandan na ni Duterte tubtob nga nadala sini ang ini nga pamatasan sang siya ang nangin kabahin na sang national government.
Samtang, gin-athag man ni Alejano nga indi sila tawo ni President Ferdinand Marcos Jr, bangod sa ila bahin ginahimo lamang nila ang responsibilidad nila sa pumuluyo.
Ginalauman sini sa karun nga mahatagan sang dereksyon kag tikang ang ginfile nga impeachment complaint batok sa bise presidente.
