Nagpasugot na si anay National Basketball Association – Most Valuable Player (NBA MVP) Joel Embiid nga magpirma sang contract extension nga magadugay sang tatlo tuig.
Santo sa repory sang NBA, natalana nga magpirma ang bigman sang Philadelphia 76ers sang $193 million maximum contract extension.
Nakasaad sa nasambit nga kontrata ang player option para sa 2028-2029 season.
Samtang, sa separado nga statement, ginpahayag sang Sixers star nga gusto sini magpabilin sa Philadelphia 76ers sa kabug-usan sang iya nga career.
Suno kay Embiid, madamo pa ang dapat niya nga himuon sa team.
Nagakadapat lamang suno diri nga makakuha ang mga ini sang championship kag nag-umpisa pa lamang team para diri.
Sa nakaligad nga offseason, nahimo sang Philadelphia nga kuhaon si Paul George kag nagpirma sang $212 million contract.
Una naman nga nagpirma sang extension si Tyrese Maxey nga nagabalor sang $204 million.
Pagbukas sang season, magkaupod na ang big-3 sang team nga sanday Embiid, CP3, kag Maxey, isa sa mga nakita sang mga NBA analysts nga mangin dako nga pagpanghangkat sa Eastern Conference.
