Nagtaliwan na si anay Negros Occidental Governor Alfredo Marañon Jr. sa edad nga 84.
Sa statement sang pamilya sang anay gobernador, nagtaliwan ang anay opisyal sa Riverside Medical Center alas-11:38 kagab-i bangud sa complications associated with cardiac health.
Iganunsyar sang pamilya sini ang schedule sang virtual gathering bangud sa COVID pandemic.
Ginaapresyar man sang pamilya Marañon ang pagrespeto sa tion sang ila pagpangasubo.
Si Marañon ang nagserbe sa patag sang pulitika sa sulod sang 53 ka tuig.
Halin sa konsehal si Freddie Marañon, nangin bise alkalde kag alkalde sang Sagay, assemblyman, nagbalik sa pagkaalkalde, nangin congressman para sa second district sang Negros Occidental, kag three-term governor sang probinsya.
Ikatatlo ini nga anak ni late Alfredo Espinosa Marañon Sr. sang Mandurriao, Iloilo City kag the late Salvacion Galicia Marañon sang Sagay City.
Siya ang utod ni anay Governor Joseph G. Marañon.
Nakapangasawa ini kay Dra. Marilyn Andres Dalisay-Marañon sang Looc, Romblon.
Siya ang isa ka mangunguma, Civil Engineer kag Aquaculturist by profession.
Nag-umpisa ang political carreer sini by accident sang nagpauli sila sa Sagay sang mga kasubong niya man nga pamantan-on kag nakita nga wala sang pagbag-o sang tuig 1963.
Isa sa ginakabig sini nga achievements sa iya nga political carreer ang paghatag sang scholarship programs nga nakabulig sa mga kubos nga mga pumulyo; health insurance programs sa probinsya nga nagcover sa 307, 777 ka mga Negrense kag ang kampanya sini sa pagpreserve sang environment.
