Nagpanawagan si former Negros Oriental Governor Pryde Henry Teves sa utod sini nga si 3rd District Representative Arnolfo Teves nga magpauli na sa Pilipinas.
Suno kay Henry Teves, ginalauman sini nga magdesiyon na nga magpauli ang iya magulang.
Pahayag sang anay gobernador, nagtipon-tipon ang pamilya Teves kag ila tanan ginalauman ang pagbalik sang kongresista sa Pilipinas agud nga mauntat kag mahatagan sang kasanagan ang ginakabig nga may kaangtanan ang ini sa pagpatay kay Negros Oriental Governor Roel Degamo.
Apang, pahayag ni Henry, indi siya ang makadesisyon para sa magulang nga yara sa gihapon kay Arnie kun magpauili ini ukon indi.
Wala naman sang intensyon si Henry nga maghalin sa Negros Oriental bangod nga yara didto ang ila palangabuhian.
Liwat sini nga ginpanawagan sa magulang nga magbalik kag magpauli kag mag-atubang sa kun ano man ang ginaduso batok diri.
Madumduman nga nagpagwa si Congressman Arnolfo Teves sang statement nga nagpanawagan ini sang bulig kay President Ferdinand Marcos Jr sa ginapaabot nga pag-raid sa iya nga residence nga natabo gid man.
