Ginserbehan sang show cause order si anay Bacolod City – Office of the Building Official Officer In Charge Engr Isidro Sun Jr sang Miyerkules.
Suno kay Bacolod City Legal Officer Atty Karol Joseph Chiu, ginsugo ni Sun ang isa ka empleyado sang OBO nga i-approve ang business permit application sang isa ka establishemento apisar nga wala sang issued Certificate of Occupancy.
Gina-alegar nga nangayo sang P13,000 si Sun para sa application apang nakasugtan nga P11,000 nalang ang ibayad sa iya kabaylo sa release sang Occupancy permit.
Suno kay City Legal Officer Atty Chiu, imbestigaran ang natabo agud mahatagan ini sang due process.
Kun mapamatud-an ang illegal nga ginhimo ni Sun, siya ang mahimo mangatubang sang kaso nga grave misconduct, serious dishonesty kag conduct prejudicial to the best interest of the service kag Anti Fixing under the ease of doing business law.
