Gintawag ni Vice President Sara Duterte nga “Best Dramatic Actor” ang iya amay nga si former President Rodrigo Duterte sa pagtambong sini sa imbestigasyon sang House Quad Committee natuhoy sa war on drugs sang iya administrasyon.
Ginpamangkot ang bise-presidente nga i-rate ang performance sang iya amay sa pag-atubang sini sa House joint panels sang Miyerkules kag ini ang iya nangin reaksyon.
Ginhatagan man sini sang rating nga 12 out of 10 si Duterte.
Suno diri, depende na sa mga tawo ang pag-intindi sa kun ano ang ginhimo sang anay Presidente.
Sa nasambit nga hearing, ginhangkat sang anay Presidente ang International Criminal Court (ICC) nga imbestigahan ini natuhoy sa drug war sang iya administrasyon kag indi na maghulat nga siya ang mapatay na.
Gin-athag naman sang bise-presidente nga yara ang iya presensya sa nasambit nga inquiry agud siguruhon nga ikaayong lawas sang iya amay.
