Indi magtambong si former President Rodrigo Duterte sa ika-siyam nga hearing nga patigayunon sang House of Representatives quad committee subong nga Martes, nga naga-imbestigar sa drug war killings sa idalum sang iya administrasyon.
Nagpadala sang sulat ang iya abogado kay House quad committee co-chair Ace Barbers kag gincite ang health condition sang anay Presidente.
Sa sulat nga ginpermahan sang counsel ni Duterte nga si Martin Delgra III, magluwas sa short notice nga ginhatag sa iya, nag-abot sa Davao nagikan sa Metro Manila ang iya kliyente sang tinalikdan nga Oktubre 17, 2024.
Bangud sa katigulangon sini kag pila ka mga engagements nga kinahanglan tambungan, nagalain sa karun ang iya pamatyag kag nagakinahanglan sang pahuway.
Bangud diri, nagarequest ang iya kliyente nga i-defer ang pagtambong sa hearing sa karun.
Apang ginpahayag sang iya legal counsel nga nagcommit si Duterte nga makigbahin sa mga proceedings nga patigayunon pagkatapos ang Nobyembre 1, 2024.
