Aminado ang political analyst nga manubo ang tyansa nga paboran sang Appeals Chamber sang International Criminal Court ang petisyon sang kampo ni former President Rodrigo Duterte nga nagakwestyon sa jurisdiction sa iya “war against humanity” nga kaso, apang ini ang indi zero.
Sa interview sang Bombo Radyo Bacolod kay Atty Jomax Ortiz, balantayan subong nga adlaw kun paboran sang Appeals Chamber ang appeal batok sa nauna nga desisyon sang Pre-Trial Chamber.
Madumduman nga una na nga nagdesisyon ang Pre-Trial chamber nga nagatindog nga may jurisdiction ang ICC sa kaso.
Apang pahanumdom ni Ortiz nga ini ang numbers game, bangod hinali nga tatlo sa lima ka judges ang magpabor nga wala sang jurisdiction ang ICC, wala na sang matabo nga trial, ukon madismiss na ang kaso.
Pinaagi sini, mahimo nga pagwaon si Duterte kag siya ang makapauli na sa Pilipinas.
Apang yara gihapon ang bentaha sa prosekusyon, bangod nagapabor sa ila ang desisyon sang Pre-Trial chamber, nga nagapabakod sang ila tindog batok sa apelasyon.
Samtang hinali nga ideklarar sang Appeals Chamber nga wala sang jurisdiction ang ICC, ang prosecution team ang ginalauman naman nga magafile sang Motion for Reconsideration.
Ini na ang mangin ulihi nga tikang kag kun paboran ang MR, nagapadayun naman ang trial, apang kun indi batunon kag pabor sa kampo Duterte ang desisyon, mahimo na nga makapauli ang anay Presidente.
