Nagapati si political analyst Atty Jomax Ortiz nga insakto ang pahayag ni Former President Rodrigo Duterte nga pasakaan na lamang ini sang kaso sang sa patawagon pa ini sa House Quad Committee (QuadComm) inquiry.
Sa interview sang Bombo Radyo sa abogado, klaro na nga ang mga sabat sang anay presidente ang magamit sang kongreso sa pagpadasig sang imbestigasyon sang International Criminal Court (ICC).
Suno diri, naghambal na si Duterte nga bisan dal-on pa diri bwas nga adlaw sa Pilipinas ang ICC, wala sang problema para sa iya bangod nga handa man ini nga atubangon ang imbestigasyon.
Dugang pa sang anay presidente dapat na gid man magdali ang ICC samtang buhi pa ini.
Para kay Ortiz, sulit- sulit na gid lamang ang nagakatabo sa inquiry kag pasakaan na lamang sang kaso ang anay presidnete banggod bisan sin-o man ang makapasaka sang kaso batok diri.
Pahayag sang abogado, kun mapasakaan sang kaso nga murder si Duterte ini ang mga separado nga kaso.
Kun matigayon naman ang pag-imbestiga sang ICC wala ini sang problema bisan may kaso man nga ipasaka kay Duterte sa local court.
