Ginrekomendar sang House Quad Committee (QuadComm) ang pagpasaka sang kaso batok sanday former President Rodrigo Duterte, Senators Bato dela Rosa, Bong Go kag iban pa natuhoy sa mga nagkalamatay bangud sa drug war sa idalum sang Duterte administration.
Suno kay QuadComm lead chairperson kag Surigao del Norte Rep. Ace Barbers, si Duterte, dela Rosa kag Go ang nagviolate sang Republic 9851 ukon Philippine Act on Crimes Against International Humanitarian Law, Genocide and Other Crimes Against Humanity.
Nakit-an man nga liable sang House panel sanday former police chiefs Oscar Albayalde kag Debold Sinas, retired Police Colonels Royina Garma kag Edilberto Leonardo kasubong man si former Palace Assistant Irmina “Muking” Espino.
Gin-imbestigahan sang QuadComm ang mga nagkalamatay nga naangot sa anti-drugs campaign ni Duterte kag mga krimen nga naangot sa mga operasyon sang Philippine Offshore Gaming Operators (POGOs).
