Ginpahayag ni former President Rodrigo Duterte nga ang tanan sini nga ginhimo ang para sa pungsod, karun nga siya ang nagapangatubang sang kaso nga crime against humanity sa International Criminal Court.
Suno kay Vice President Sara Duterte, ini ang nangin pahayag sang iya amay sa iya pagbisita sa detention center sa The Hague, Netherlands.
Suno sa iya, luyag sang anay Presidente nga mangin madasig ang proceedings batok sa iya bangud nagakahangawa ang 80-anyos nga mapatay ini samtang nakadetain.
Indi naman makahambal ang bise-presidente kun ini ang nagapatimaan sang admission sang responsibilidad para sa krimen nga ginapangatubang sang iya amay sa ICC.
Suno kay VP Sara, luyag sang iya amay nga magbalik na sa Pilipinas bangud tigulang na ini kag posible nga mapatay maskin ano nga oras gani luyag sini nga mapatay sa iya kaugalingon nga pungsod.
